По тешката победа: Мурињо долови како изгледа соблекувалната во модерниот фудбал и стана вирален хит (Фото)

Жозе Мурињо се израдува на една многу тешка победа на незгодното гостување кај секогаш цврстиот Барнли, триумф кој „петлите“ го остварија благодарение на својот ударен двоец во нападот.

Комбинацијата Кејн-Сон му донесе нови бодови на Тотенхем во Премиер лигата, со што Мурињо и играчите го оставија зад себе болниот кам-бек кој го направи Вест Хем на натпреварот кој се одигра во минатото коло.

Португалскиот стручњак го испофали својот напаѓачки двоец по победата од 0:1 и нагласи дека нивното добро разбирање на теренот прави разлика за Тотенхем, но сепак искусниот португалски стручњак повеќе ги воодушеви фудбалските фанови со својата порака која ја испрати на социјалните мрежи.

Жозе во последно време е крајно активен на Инстаграм, па сега долови како изгледа соблекувалната во модерниот фудбал по една тешка победа.

– После одлична победа на навистина тежок меч…. Знак за времето. Браво момци, – порача Мурињо за фотографијата на која се гледа како сите играчи на Тотенхем гледаат во своите мобилни телефони.

View this post on Instagram

After a great victory in a really hard match… Sign of the times 📱📱 Well done boys #COYS

A post shared by Jose Mourinho (@josemourinho) on Oct 26, 2020 at 3:53pm PDT