Плимут прв зададе удар на „Итихад“, Сити возврати за четвртфинале во ФА Купот (ВИДЕО)

Манчестер Сити е петтата екипа која обезбеди место во четвртфиналето на ФА Купот и тоа откако вечерва се справи со Плимут, тим кој во претходните две рунди ги елиминираше Брентфорд и Ливерпул.

Тимот од Чемпионшип лигата упати само еден удар на „Итихад“, ама тој заврши во мрежата на Ортега за водство на гостите. Ова беше плус предизвик за домаќините кои и така притискаа, па така во завршницата на првиот дел реализираа преку О’Рајли за 1-1.

Истиот О’Рајли во 76 погоди за 2-1 на асистенција Фоден, а конечните 3-1 ги постави Де Брујне на додавање на Халанд.

Претходно место во топ осум обезбедија Астон Вила, Кристал Палас, Престон и Борнмут.