Платини за Мбапе: Голем шампион мора…

Килијан Мбапе беше доведен како големо засилување за Реал Мадрид за оваа сезона и секако за во иднина, меѓутоа засега Французинот не се снаоѓа баш најдобро или како што очекуваа навивачите и управата на актуелниот европски и шпански шампион.

На хартија Килијан нема толку лоши бројки, 9 погодоци и 2 асистенции на 18 средби во досегашниот тек, меѓутоа неговото влијание во играта и магијата што требаше да ја донесе засега ја нема и нормално е да има одредени критики.

Напаѓачот не се прослави против Ливерпул во Лигата на шампионите каде не реализираше удар од 11 метри што секако беше уште еден удар лично за него, но сезоната е долга и сигурно ќе направи се за да ја сврти сегашната ситуација, нешто во што верува и легендарниот Мишел Платини.

-Ми изгледа малку изгубено на теренот. Големиот шампион мора да се издигне од пепелта, систематски. Ова е она што ќе го направи Килијан голем шампион. Ова ќе биде само мал удар, за францускиот фудбал и за него, -порачал Платини.