Плановите натфрлени: Единаесет ракометни школи обединети во кампот на Кирил Лазаров!

rakometen kamp kire lazrov - shkola 2017

На почетокот на јули оваа година, капитенот на македонскиот национален тим, Кирил Лазаров и неговиот тим го најавија следниот голем проект за развој на македоснкиот ракомет, школата за ракомет „Кирил Лазаров 7“.

Шест месеци подоцна, проекциите за отварање на минимум седум школи во исто толку градови се натфрлени и во моментов ситуацијата на теренот вели дека се работи во единаесет школи, со повеќе од 500 момчиња и девојчиња. Идејата на Лазаров да овозможи ракомет за секое дете без разлика на местото и условите во кои живее, да му се овозможи иста шанса да тренира и сонува дека еден ден, исто како неговиот идол, ќе игра на големата сцена и ќе го носи дресот со националниот грб.

За таа цел, покрај школите во Скопје, Струга, Охрид, Куманово, Тетово како големи градови и општини, школата за ракомет е присутна во Богданци, Стоајково, Чешиново- Облешево, Валандово, општини во кои нашите најмлади членови за првпат се запознаваат со ракометот како спорт.

– Покрај тоа што ние како организатори на овој проект сме максимално посветени во обезбедување на што подобри услови за тренинг во делот на опремување  на секоја школа со се што е потребно од опрема, реквизити и топка за секое дете, нашата насока во иднина ќе оди и кон едуцирање и надградба на тренерскиот кадар како важен сегмент. Свесни сме дека без разлика на тоа колку е важно да се обезбедат врвни услови за тренинг на овие деца, сепак како клучен го гледаме факторот човек, односно особено внимание ќе обрнеме со нашите деца да работат врвни педагози и стручни лица. Со тоа успехот е неминовен. Потребно е само време,- вели Горан Ѓорогонски од агенцијата „КМГ Спорт“.

Со овој проект, за кој како организатор и техничка подршка е токму агенцијата КМГ Спорт, покрај социјалниот момент кај најмладите во нашата држава, во соработка со своите партнери и пријатели ќе го следи и физичкиот развој на секое дете, ќе го едуцира за правилен и здрав начин на исхрана и насочува кон вистинските вреднсости.

Facebook Коментари