Пјастри се избори за пол-позиција во Бахреин, лоши квалификации за Норис и Ферстапен

Оскар Пјастри потврди дека има најдобри перформанси кога е во прашање бркање на најбрз круг на Сакир патеката во Бахреин, а тоа го потврди и со својот завршен обид во квалификациите кои се одржаа оваа сабота.

Вториот возач на Мекларен се избори за најдобро време и успеа да ја добие битката со фантастичниот Џорс Расел, перформанси кои уште повеќе добиваат на тежина ако се знае дека Ландо Норис разочара во последниот обид.

Британецот беше фаворит за првото место во друштво на својот тимски колега, но на крајот не се избори ниту за место во топ пет, бидејќи имаше само шесто најдобро време.

Покрај Пјастри и Расел, пред него се и Леклер, Антонели и Гасли, додека еден ред зад него ќе биде Макс Фестапен кој исто така имаше лоши квалификациите.

Актуелниот шампион нема посакуван ритам цел викенд во Бахреин, па утре ќе стартува како седми во ист ред со Карлос Саинц. Првата десетка денеска ја комплетираа Луис Хамилтон и Јуки Цунода.