Пјастри го остави Леклер без победа во Баку, жесток судир на Саинц и Перез во финишот (Видео)

Оскар Пјастри повторно не му дозволи на Шарл Леклер да се израдува на победа во Азербејџан и успеа да му донесе важен триумф на Мекларен на Формула 1 трката во Баку.

Леклер и Ферари ја имаа пол позицијата, пилотот од Монако на почетокот ја имаше и предноста, но Пјастри успеа да се најде пред него и до крајот го издржа притисокот на црвениот болид.

Долго траеше притисокот на Леклер, но Пјастри одби неколку директни обиди за претркување, па на крајот заслужено стигна до втората Ф1 победа во кариерата.

Леклер уште еднаш остана без победа во Азербејџан, а судирот на Саинц и Перез во завршницата му донесе трето место на Џорџ Расел.

SAINZ AND PEREZ COLLIDE WITH 1 LAP TO GO🤯

GEORGE RUSSELL MOVES INTO P3‼️#azerbaijanGP #F1

pic.twitter.com/zvFVtvZ5DU

— Ben Thomas (@Benfthomas_10) September 15, 2024

Insiden antara Sergio Perez dan Carlos Sainz.

Plot twist yang sangat apaaaaaaaa pic.twitter.com/h7eblUTlDR

— F1 Speed Indonesia (@f1speed_indo) September 15, 2024

Перез беше на чекор да му го украде второто место на Леклер, во трката се вмеша и Саинц и во тие моменти Шпанецот и Мексиканецот се судрија и завршија во заштитната ограда.

Елиминацијата на возачите на Ред Бул и Ферари донесе поместување за две позиции за сите возачи, па Ландо Норис може да биде презадоволен со четвртото место, затоа што ја стартуваше трката од петнасеттото место.

Трката заврши со виртуелно безбедносно возило, а пласман до десеттата позиција обезбедија уште Ферстапен, Алонсо, Албон, Колапинто, Хамилтон и Берман.