Писили со гол за победа ги смири бесните тифози на Рома (Видео)

Рома одигра навистина лош натпревар против Венеција и слободно можеше да губи со резултат 0:3, но откако гостите го оставија фаворитот во игра, на крајот тимот на ИВан Јуриќ се избори за пресврт.

„Волчицата“ одигра катастрофално прво полувреме во кое требаше да прими три гола, но бидејќи на полувреме се замина само со 0:1, домашните играчи имаа за што да играат во вторите 45 минути.

Во првата фаза од продолжението, Венеција повторно изгледаше поопасно и пропушти шанса за 0:2, а како по правило, гостите беа казнети за сите утки со два гола во мрежата.

Поради лошата игра на нивните миленици, тифозите на Рома испраќаа серија жестоки свирежи за тоа што го гледаат на теренот, но лошата атмосфера не ги поколеба избраниците на Јуриќ, кои на крајот се изборија за пресврт.

Кристанте со многу среќа израмни на 1:1 во 75-та минута, а уште одма стана јасно дека Рома ќе тргне и по втор гол со помош на публиката.

По еден корнер, осамен остана Писили кој мирно погоди со глава за 2:1, погодок со кој младиот фудбалер ги претвори свирежите во аплаузи на „Олимпико“.

На овој начин, Рома победи со 2:1, а домашна победа оствари и Комо кој со 3:2 славеше над Верона.

Видеото погледнете го ТУКА