Поврзете се со нас

Италија

Пирло за Елмас и другарите: Наполи ме потсетува на мојот Милан, тие можат да ја освојат ЛШ

Објавено

на

Наполи е најпријатно изненадување во Топ 5 лигите во Европа, но и во Лигата на шампионите каде страшно ја одигра групната фаза и рутински го обезбеди првото место во конкуренција на Ливерпул, Ајакс и Ренџерс.

Елиф Елмас и неговите соиграчи имаат предност од дури осум бода во Серија А, па сето ова многу кажува за четата предводена од Лучијано Спалети, тим од кој е импресиониран и легендата на италијанскиот, светскиот фудбал, Андреа Пирло.

-Тимот на Спалети ме потсетува на Милан во кој играв, оној со толку многу офанзивни играчи кои навистина уживаа да го играат својот фудбал. Наполи беше пријатен да се гледа кога Маурицио Сари беше исто така на чело, но можеби ова повторување на тимот е потешко. Нивниот стил на игра е неверојатен.

-Изгубија толку многу големи играчи кои им значеа толку многу на навивачите, внесувајќи помлади елементи. Сите тие се отприлика на исто ниво и така што секој што ќе добие право на игра добива признание. Ова функционира навистина добро и тренерот заслужува признание, бидејќи Спалети заврши одлична работа, -истакна Пирло кој смета дека овој состав е добар и да ја крена титулата во ЛШ.

-Би рекол дека Манчестер Сити е фаворит, но и Наполи е таму горе. Играат навистина добар фудбал и секако можат да се обидат. Ако сите останат во добра форма и се на исто ниво како сега за неколку месеци, тогаш Наполи ќе биде тежок за секого, -порача тренерот на Карагумрук.

Реклама
Реклама
Реклама

Популарни