Пирло призна дека Јувентус ја загубил битката со Интер за титулата

Победата на Јувентус над Наполи барем привремено ќе го намали притисокот над Андреа Пирло, а тој вели дека неговите фудбалери требало да имаат ваков пристап и на претходните натпревари.

Актуелниот шампион неодамна загуби од Беневенто, па освои само бод на градското дерби со Торино, со што започнаа шпекулациите за отказ на тренерот.

– Победата е резултат на одличниот пристап, како и пожртвуваноста да се покрие позицијата на соиграч, веројатно ова ни недостасуваше на претходните натпревари. Жал ми е што не ги реализиравме контрите, бидејќи требаше да постигнеме повеќе голови.

– Не бевме доволно мотивирани на ист начин против послабо пласираните екипи и тука беше грешката, се обидувавме проблемите да ги решиме индивидуално, а не како тим.

– Нашиот приоритет сега е Топ 4 пласман, бидејќи е тешко да стигнеме на врвот. Остануваат десет натпревари, една мини-сезона која се надевам ќе ја завршиме добро и ќе се фокусираме на финалето на италијанскиот Куп, – изјавил Пирло.

На девет кола до крајот, Интер има големи плус 12 во однос на Јувентус, додека составот од Торино ќе игра и во финалет на Копа Италија против Аталанта.