Пирло доби отказ во Турција

Турскиот прволигаш Карагумрук денеска ја информираше јавноста дека го ослободува од обврските досегашниот тренер Андреа Пирло.

Поранешниот италијански репрезентативец во Турција го имаше вториот самостоен ангажман во тренерската кариера, но Карагумрук реши да му се заблагодари уште на три кола пред крајот на сезоната.

На почетокот, тимот на Пирло беше во катастрофална серија, но Италијанецот се спаси од отказ со позитивна серија, по која Карагумрук сепак ќе обезбеди опстанок и во моментов е на деветтото место на табелата во турското првенство.

Пирло има 11 победи, 11 нерешени резултати и 12 порази на досегашните средби, а сега е слободен да преговара за својот следен ангажман.

Kişiler gelip geçici, Karagümrük baki kalacak olandır. Futbol efsanesi Andrea Pirlo’ya, Karagümrüğümüze verdiği emekler için teşekkür eder, bundan sonraki kariyerinde başarılar dileriz. @Pirlo_official pic.twitter.com/IwXvayt4uk

— Karagümrüklüler (@karagumruk_fan) May 24, 2023