Пике: Требаше да се преселам во Јувентус…

Жерард Пике е вистинска легенда на Барселона, клуб во кој се развиваше, напредуваше, но и од кој како тинејџер си замина во 2004 година и тоа во Манчестер Јунајтед каде се задржа до 2008 години по што се врати дома и потоа испиша историја со каталонскиот гигант.

Во својата кариера тој мина една сезона и во Реал Сарагоса, а малку фалело при заминувањето од Јунајтед да го избере Јувентус како нова фудбалска дестинација.

-Последната година во Манчестер, пред да заминам во Барса требаше да му се приклучам на Јувентус, тоа беше 2007 година. Меѓутоа, веќе не бев во искушение откако се вратив дома, -обелодени Пике кој се наврати на времето поминато во Англија.

-Бев таму три години, дојдов кога имав 17 години, бев многу млад и во тоа време Јунајтед ги имаше најдобрите централни дефанзивци во Премиер лигата: Рио Фердинанд и (Немања) Видиќ. Ги освоивме Лигата на шампионите и Премиер лигата, но јас одиграв само 20 или 25 натпревари со Јунајтедм -истакна Шпанецот за „Кориере Дело Спорт“.