Пике со совет за разочараниот Гави: Најважна е само една работа

Гави стана важна алка не само во тимот на Барселона, туку и во шпанската репрезентација, но сега го чека долга пауза поради повреда.

Шпанскиот фудбалер заработи посериозна повреда на коленото на дуелот со Грузија и веројатно ќе го пропушти преостанатиот дел од сезоната, а совет до него испрати поранешниот играч на Барса, Жерард Пике.

– Повредата на Гави е навистина голема несреќа, бројките кои ги акумулираше во дресот на Барселона и репрезентацијата се неверојатни.

– Најважно за него во моментов е само едно, а тоа е целосно да се рехабилитира од повредата. Не смее да брза, очекувано е на ментално ниво да размислува за Европското првенство и Олимписките игри, но јас го советувам да се врати само тогаш кога ќе биде целосно подготвен за тоа.

– Знам колку му е важно ЕП, посебно што требаше да му биде прво во кариерата, но не треба премногу да се разочарува затоа што има уште 15 години од својата кариера, – рекол Пике.