Пике предложи радикални промени во тенисот, Бекер му порача да се фокусира на фудбалот

Поранешниот шпански фудбалски репрезентативец, Жерард Пике, постојано е актуелен со изјави поврзани со различни теми, а по фудбалските, решил да предложи промени и во тениските правила.

Пике кој еден период менаџираше со Дејвис купот очигледно смета дека е доволно подготвен за да дебатира со тениската јавност околу одредени „досадни правила“, за што доби опомена од легендарниот Борис Бекер.

– Кога го организиравме Дејвис купот, се обидовме да промениме одредени работи, но ИТФ не беше заинтересирана.

– Зошто мора да се сервира два пати во тенисот? Тоа се дополнителни 30 секунди во тапкање на топчето, тоа не е воопшто забавно за фановите.

– Тие исто така не сакаат да гледаат гејмови во кои пет минути се игра на 40-40. Треба да има „златен поен“ на 40-40 и да се реши гејмот. Тенисот мора да еволуира и да се адаптира на помладите навивачи кои се почесто се одлучуваат да гледаат „Нетфликс“ наместо спортски натпревар, – изјавил Пике.

Борис Бекер преку „Икс“ реагираше на изјавата на Шпанецот, порачувајќи му да се фокусира на фудбалот.

A very good footballer shouldn’t be discussing the future of tennis 🎾 ( with all respect @3gerardpique https://t.co/JmBaXfUw8N

— Boris Becker (@TheBorisBecker) February 28, 2025