Пике: Многу малку играчи од овој тим на Флик би играле во мојата Барса!

Жерард Пике секое свое јавно обраќање го користи за да даде интересни наслови за шпанските медиуми, а легендарниот стопер не потфрли и во интервјуто кое го направи за мадридска „Марка“.

Поранешниот стопер на каталонскиот великан призна дека е импресиониран и возбуден од проектот кој го води Ханси Флик со голем број млади играчи од Ла Масија, но кога доби прашање за да го спореди овој тим со оној неговиот од златната генерација, Пике даде искрен и реален одговор.

– Колку играчи од оваа Барса би играле во мојата? Јас бев голем број години во Барселона и наидов на различни генерации, но ако мислите на тимот кој освои триплета и секстет, тогаш ќе ви кажам дека нашата Барса беше посебна Барса.

– Тој е еден од најдобрите тимови во историјата на фудбалот, ќе ви кажам дека малку играчи од овој тим би имале шанса. Во нашата Барса имаше многу големи играчи. Штета е да не играат Ламин, Кубарси или Рафиња кој игра на врвно ниво, но во мојата Барса на тие позиции ги имавте Меси, Пујол, или Вилја, Анри и Ето.

– Зборуваме за топ играчи, играчи од светска класа кои освоија многу титули. Овие играчи од актуелната Барса треба да се изборат за да бидат споредувани со тој тим. Не им недостасува желба и квалитет, но им фали да освојат големи титули, – заклучува Пике.