Пике: Јувентус ме бараше, но јас имав еден сон

Жерард Пике пред две години ја заврши активната фудбалска кариера во која забележа многу успеси на клупско и репрезентативно ниво.

Пике освојуваше титули со Манчестер Јунајтед, Барселона и Шпанија, поточно освои се што можеше да се освои на сцената дали е во прашање клуб или национален тим.

Секако кариерите на фудбалерите се специфични и секогаш е важно да се донесат важни одлуки, па така Шпанецот обелодени дека во минатото Јувентус притискал за негов трансфер, доаѓање кога настапувал во Англија, но повикот од Барселона бил пресуден да се врати дома и си го оствари сонот.

-Да, Јувентус беше заинтересиран за мене во 2007 година. Тие пристигнаа во истиот момент со Барселона, но мојот сон беше да играм за Барса. Јуве беше многу голем клуб во тоа време, но Барселона беше целиот мој живот. Само сакав да одам во Барса, -вели некогашниот стопер за „Скај Спорт Италија“.