Пике: Имав посебен однос со Гвардиола, еднаш ми додели казна од 12 илјади евра

Жерард Пике може слободно да открива анегдоти за својата кариера откако реши да се пензионира на крајот на минатата година, но од сите тренери кои ги имаше во Барселона, не крие дека посебен однос имал со Пеп Гвардиола.

Легендарниот стопер на Барса во ексклузивниот разговор за „Хихантес“ се навратил на времето кога постојано излегувал и правел разноразни глупости пред фудбалските терени, а Пеп како голем перфекционист знаел да го казни и да го остави надвор од тимот.

– Можам да ви откријам толку многу работи со Гвардиола. Односно кој го имав со Пеп беше спектакуларен, но вистина е дека последната година стана тензична за сите.

– Јас на крајот на секоја година одев во Пуигсерда и таму секогаш е ладно во тој период од годината. Бев млад и постојано излегував во кратки, а потоа на 2-ри јануари се враќав на тренинг со ангина.

– Гвардиола виде една моја фотографија на која позирам по кратки во снег и ми додели казна за пример. Мислам дека беа 12 илјади евра и морав да платам јадење за цел тим. Исто така, ме повика во Тенерифе, дојдоа и моите родители, а на крајот ме остави на трибини. Имав 22 години и излегував повеќе отколку што излегува сонцето. Не излегував само денот пред натпреварот и на денот на натпреварот, – открива Пике.