Пике е голем и во поразите: Подготвил специјален подарок за легендата на Бетис (Фото)

Барселона претрпе непосакуван пораз од Бетис на домашен терен кој е прв во ерата на Чави Ернандес како тренер на првиот тим, но кој се покажа како најлоша подготовка за тоа што следи, односно клучниот меч во Минхен во Лигата на шампионите.

Чави не го криеше бесот по неуспехот со Бетис, но дури и во такви неповолни околности, својата големина ја покажа Жерард Пике кој со посебен гест го поздравил легендарниот фудбалер од Андалузија.

Хоакин игра професионален фудбал и на 40-годишна возраст, а иако вчерашниот меч го мина на клупата за резерви, по победата на неговиот тим, добил специјален подарок од Пике.

Жерард очигледно е воодушевен од кариерата на поранешниот шпански репрезентативец кој повеќе од две декади ја радува фудбалската јавност, за што говори и пораката која му ја напишал на дресот.

– За мојот пријател Хоакин, ти се е.ен гениј. Честитки за цела твоја кариера, – гласи пораката на Пике.