Петти хет-трик за Кејн во Бундеслигата, Баерн броеше до шест (Видео)

Баерн Минхен останува стопроцентен по три одиграни рунди во Бундеслигата, со тоа што ова попладне ја запиша и најубедливата победа во ерата на Венсан Компани.

Баварците немаа милост против новајлијата во елитното друштво и до врв ја наполнија мрежата на Холштајн Кил, тим кој дефинитивно настрада од разиграната баварска машинерија.

Гостите од Минхен набрзина го решија прашањето околу победникот и до 13-та минута постигнаа три гола, по еден Мусиала и Кејн, како и еден автогол од Ремберг.

Хари Кејн со својот втор гол во 43-та минута донесе уште покомотно водство пред паузата, во продолежние својот првенец за Баерн го постигна и Олисе, додека англискиот голгетер со гол од пенал го комплетираше својот хет-трик во 91-та минута, петти откако е дел од Бундеслигата.

Претходно, почесен гол за Кил постигна Гиговиќ, но тоа беше премалку за ублажување на тешкиот пораз.

Видеото погледнете го ТУКА