Петта победа во низа за Јувентус за лидерска позиција во Серија А (ВИДЕО)

Фудбалерите на Јувентус продолжуваат да редат победи во Серија А, серија која им овозможи да дојдат до првата позиција на табелата пред Интер кој утре го игра својот меч од оваа рунда.

„Старата дама“ славеше над Калјари со 2-1 и со тоа дојде до 29 сезонски бод. Клубот од Торино повторно постигна голови во вистинско време со тоа што во главна улога беа дефанзивците, прво Бремер стрелаше во 60 минута, водство кое потоа беше зголемено од Ругани во 70 минута.

BREMER GOAL

pic.twitter.com/OYDrf229El

— Juve Canal (@juve_canal) November 11, 2023

Rugani GOL ⚽️ pic.twitter.com/fOXMmNE5HK

— JuveFC (@juvefcdotcom) November 11, 2023

Калјари не се откажа и со погодокот на Досена во 75 минута намали на 2-1 за да истиот играч потоа ја погоди и рамката од голот на Шчесни.

Ова за четата на Алегри беше петто славје во низа и со висока самодоверба ќе го дочекаат дербито со Интер закажано за 26 ноември во Торино.