Петковиќ: Кога Алкарас е лош, тој е ужасен

Карлос Алкарас важи за еден од најдобрите тенисери на денешницата, ас кој веќе има четири грен слем титули зад своето име, но и рекет кој дефинитивно има работи, сегменти кои мора да ги поправи ако сака еден ден да биде на исто ниво со големите Новак Ѓоковиќ, Рафаел Надал и Рожер Федерер.

Алкарас знае да „лета“ на теренот, но и да заглави кога не му оди, поточно кога му е најтешко да не знае да пронајде начин да победува, нешто што знааат да го направат големите играчи.

-Единствената замерка што ја имам за Карлос е нешто што го немам за другите. Никој друг не е таков. Кога Карлос е лош, тој е ужасен. Тој едноставно нема план Б, -констатира некогашната германска тениска Андреа Петковиќ.

За неконстатноста на Шпанецот доволно говори податокот дека во 2024 година освои две грен слем титули, но сезоната ја заврши само на третата позиција на АТП ранг листата со 905 поени помалку од второпласираниот Зверев, а дури речиси 5.000 помалку од Синер.