Пети „знае“ кој е идеален клуб за Погба: Сака да се одмазди, совршено се вклопува…

Пол Погба ќе може да се врати на терените во 2025 година, но тоа по се изгледа нема да биде во дресот на италијански Јувентус.

Тој е под договор со „бјанконерите“, меѓутоа тие не го гледаат Французинот во нивниот тим, нов проект, па се очекува двете страни да пронајдат решение за раскин на договорот.

Секако има време ова да се случи со оглед на тоа што Погба дури во месец март добива „зелено светло“ за настап по истекот на суспензијата поради допинг, па Емануел Пети има интересен предлог избор за нова дестинација на сонародникот.

Пети верува дека Пол треба да се врати во Англија и да потпише за Арсенал.

-Искрено, Арсенал треба да го потпише Пол Погба. Тој ќе даде се на теренот. Ќе му требаат неколку недели за да влезе целосно во форма, но тој ќе биде толку желен да го исчисти своето име. Погба совршено се вклопува во средниот ред на Арсенал, тој е висок, силен и многу креативен.

-Погба ќе стане слободен агент на 32 години и не се сеќавам кога последен пат сум го видел насмеан. Сака да се одмазди, сака да си докаже себеси и на фановите ширум светот дека се уште не е готов. Сите знаеме колку е вообичаено среќен и мислам дека Артета и Арсенал можат да му го понудат тоа, -вели Пети, а пренесува „Тутоспорт“.