Пети: Винисиус ќе погреши ако го напушти Реал

Винисиус беше жртва на расистички напади за време на дуелот меѓу Валенсија и Реал Мадрид, нешто што не му се случува првпат во Шпанија.

Медиумите почнаа да шпекулираат дека Бразилецот може да реши да го напушти Реал поради честите расистички испади во Шпанија, а Емануел Пети смета дека ќе направи голема грешка.

Поранешниот француски репрезентативец коментирал дека Винисиус не смее да направи ваков потег.

– Тој игра за најголемиот клуб во светот и има две фантастични сезони зад себе.

– Се сеќавам дека пред три години добиваше многу критики, дури и од соиграчи, а сега игра на друго ниво. Бев шокиран од сцените на дуелот меѓу Валенсија и Реал.

– Сепак, не смее да замине од Реал поради тоа, ова нема да биде последен пат да биде провоциран. Секаде во светот има такви луѓе, иако за среќа тие се малцинство. Ова не може да биде причина да го напуштите Реал, – изјавил Пети.