Пети со „скромна“ желба: Арсенал да ги доведе овие двајца играчи во јануари

Арсенал и сезонава влезе во првенството со амбиции конечно да стави крај на периодот без титула, но засега заостанува сериозно зад актуелниот лидер Ливерпул.

Микел Артета имаше проблеми и со повреди, но очигледно е дека му се потребни и засилувања, а клупската легенда Емануел Пети има конкретни предлози.

– Мислам дека на Арсенал му се потребни двајца нови фудбалери во јануари, најмногу во нападот, но и на лево крило, со што Артета би имал повеќе квалитет и можност за ротација.

– Ми се допаѓаат Хаверц и Жезус, одвреме навреме ја вршат својата работа, но недостасува класичен напаѓач кој ќе постигне 20-30 голови по сезона.

– Најмногу ми се допаѓаат Осимен и Леао, знам дека е тешко да се ангажира фудбалер во јануари, но со новиот формат на Лигата на шампионите, којзнае? вели Пети.