Пети разочаран од Рајс: Очекував многу повеќе од него…

Арсенал не блеска во првите месеци во актуелнава сезона, а тоа најмногу се забележува во Премиер лигата каде веќе по 11. кола има сериозен минус зад лидерот Ливерпул.

„Топчиите“ веќе заостануваат девет бода зад „црвените“ што не е малку во оваа фаза на шампионатот, односно допрва се очекува она вистинското, напорното, па клубот од Лондон ретко ќе може да си дозволи киксови ако сака да биде конкурентен запехарот.

Секогаш може да се најдат причини, а според Емануле Пети една од нив е Деклан Рајс кој според него не е на посакуваното ниво во тековнава кампања.

-Деклан Рајс е играчот од кого очекував повеќе од оваа сезона. Мислам дека тој се мачи од почетокот на сезоната. Црвениот картон што го доби во август веројатно беше знак. Се надевам дека ќе се врати посилен, но досега беше под нивото, -вели некогашниот член на составот од северен Лондон.