Пет Македонци на средбата во Ларнака, Тричковски го совлада Богатинов (ВИДЕО)

Иван Тричковски, Даниел Мојсов и Стефан Спировски ја добија македонската пресметка против Мартин Богатинов и Јован Костовски во првата лига на Кипар.

Имено составот на АЕК Ларнака го потврди статусот на фаворит и славеше со 3-1 над Етникос Ахна во мечот во кој во листата на стрелци се запиша напаѓачот Тричковски. Популарниот Тричко беше максимално прецизен во 19 минута и со одмерен удар ја затресе мрежата на Богатинов.

Ова беше дуел кој Иван и Мартин го одиграа до почеток до крај, Костовски и Спировски добија шанса во второто полувреме, додека пак стоперот Мојсов беше стартер, меѓутоа во 72 минута заработи втор жолт картон и предвреме беше испратен во соблекувалната.

За Тричковски ова беше 10. сезонски погодок, АЕК пак со 41 бод е на 5 позиција на табелата. Етникос Ахна пак со 22 е на претпоследното место.