Пешиќ смета дека Американците добиле „ветер во грб“

Србија ја „испушти низ раце“ победата над „дрим-тимот“ на Америка и не успеа да профитира од перфектните три четвртини кои ги одигра во Париз, бидејќи на крајот мораше да се помири со тесен и болен пораз.

Тимот на Светислав Пешиќ играше неверојатна кошарка 30 минути и во еден момент водеше и плус 17 против фаворизираните НБА ѕвезди, но кога дојде моментот на вистината, се разудија Леброн Џејмс, Кевин Дурент и Џоел Ембид, но и Стеф Кари кој беше лидер на Американците во текот на целиот меч.

На Америка доволна и беше една извонредна четвртина за да направи превсрт и да ја добие драмата со 95:91, победа со која обезбеди пласман во финалето и борба за златниот медал.

Србите за жал ќе бараат утеха во малото финале и битката за бронзениот медал, а искусниот Пешиќ нагласи дека е горд на сето она што го понудиле неговите кошаркари во мечот со најдобриот тим во светот, кој сепак смета дека добил „ветер во грб“ од судиите.

– Нема премногу да зборувам, залудно е да се прави тоа после ваков меч. Горд сум како игравме, особено после мечот со Австралија каде се враќавме од 24 поени негатива. Таму потрошивме многу сила, но повторно дадовме се што имавме и на крајот пресуди една или две топки. Им честитам на Американците, но ќе го потенцирам и правилото кое ние добро го знаеме во Србија. Кој губи, има право да се лути, – изјави српскиот селектор кој остана бесен на судијата од Босна и оној од Панама.

– Преовладува гордост, а не лутина. Лут сум само поради тоа што не добивме респект од судиите. Не зборувам само за овој меч, зборувам за цел турнир. Морам да го кажам тоа, бидејќи еден од најдобрите играчи на светот (Јокиќ) одигра 37 минути на паркетот, а шутираше само четири слободни фрлања. Се случија некои чудни работи и тоа морам да го нагласам. Им честитам на Американците и им посакувам успех во финалето, но се случија некои чудни работи. Разочаран сум што не добивме почит од судиите, – изјави Пешиќ.