Пешиќ го презема микрофонот, Јокиќ го следеше, „Македонско девојче“ грмеше среде Париз (Видео)

Српските кошаркари вчера еуфорично го прославија третото место на Олимписките игри во Париз, односно обезбедените бронзени медали по триумфот над Германија, а во такво расположение пристигнаа и на церемонијата на доделување на медали.

На социјалните мрежи се појавија многу видеа од прославата на српските репрезентативци во текот на денот среде Париз, а едно видео посебно го привлече вниманието на македонската јавност.

Вообичаено скромниот и повлечен Светислав Пешиќ решил посериозно да се вклучи во славјето на своите играчи, кога на репертоарот се најде легендарната „Македонско девојче“.

Токму Пешиќ го презема микрофонот, а беше следен и од првата ѕвезда Никола Јокиќ и останатите српски репрезентативци.

pic.twitter.com/Fx0s7WRNKh

— o’lakovas (@turuptup) August 11, 2024