Перишиќ го пецна Арсенал пред пресметката во ЛШ: Имаме шанси да ги победиме…

ПСВ има нов голем предизвик во Лигата на шампионите, а тоа е премиерлигашот Арсенал кој им стои на патот до четвртфиналето во ова натпреварување.

Клубот од Ајндховен во претходната рунда му зема мерка на калчолигашот Јувентус, па дефинитивно желбата, самодовербата е на повисоко ниво иако Арсенал го има статусот на фаворит во двомечот.

Иван Першиќ знае како се играат вакви дуели, тој во минатото настапуваше и за Тотенхем, па немарно или немарно ги „пецна“ „топчиите“ пред соочувањето во ЛШ.

-На Арсенал често му недостигаше тој дел (победнички) за да освои нешто минатата година. Мораме да бидеме максимално подготвени, потоа имаме добри шанси да ги победиме. Ќе биде тежок натпревар против млад тим со силен тренер. Но, јас верувам во нашиот тим и мораме да одиграме најдобро што можеме. Кога ќе ја слушнете химната на Лигата на шампионите, тоа дава нешто посебно, -истакна Хрватот.