Перишиќ бега од Интер и се сели во Премиер лигата

Иван Перишиќ беше херојот на Интер во Куп пресметката против Јувентус на која даде два гола во продолженијата и го однесе трофејот во Милано.

Токму по тој дуел искусниот хрватски интернационалец испрати „отровна стрела“ до управата на Интер која калкулира со продолжување на соработката, а тоа како што стојат работите може скапо да ги чини.

Имено „Спорт Медијасет“ пренесува дека офанзивецот ги договорил личните услови со Челси што значи дека е многу блиску до преселба во Лондон. Остануваат само уште некои детали и вообичаените медицински прегледи што значи дека „нероаѕурите“ најверојатно ќе останат без играчот кој е во нивниот клуб од 2015 година.

Иван во досегашната кариера има настапувано во Франција, Белгија, Германија и Италија.