Перфектните јуниори повторно издоминираа: Македонија ќе игра полуфинале на ЕП во Скопје

Македонските јуниори проодолжија со перфектните изднија на Европското првенство од Б дивизијата кое се игра во Скопје, па со шестата победа во низа се пласираа во полуфиналето на турнирот.

Избраниците на селекторот Горан Андреевски можеби ја прикажаа и најдобрата кошарка во досегашниот тек на натпреварувањето, совладувајќи ја селекцијата на Португалија со 29 поени разлика.

Македонските надежи го наметнаа темпото уште од самиот старт и јасно ставија до знаење дека се ќе зависи од нив на „Кале“, па во меч во кој водеа од првата до последната минута славеа со 71:42.

Со овој триумф, Македонија се пласираше меѓу четирите најдобри селекции на Европското првенство, но сега со голема самодоверба ќе игра во оваа завршна фаза.

Наш противник во полуфиналето ќе биде победникот од дуелот меѓу Швајцарија и Бугарија.