Поврзете се со нас

Лига на шампиони

Пеп се прикажа во улога на собирач на топки, па мораше да му се извинува на противничкиот тренер (Видео)

Објавено

на

Foto:x.com/ManCity

Пеп Гвардиола немаше воопшто мирна вечер на „Итихад“ и постојано беше на нозе крај аут линијата, особено поради фактот што неговиот тим бркаше резултат на натпревар кој мораше да го добие.

Клуб Бриж поведе пред крајот на првиот дел и дополнително ги усложни работите за фаворитот, но Манчестер Сити излезе како друг тим во вториот дел и набрзина постигна три гола за пресврт и победа.

Гвардиола навистина емотивно ги доживуваше случувањата на теренот и по голот за 2:1 го шутираше малиот фрижидер во кој се чува водата, меѓутоа за време на средбата имаше интересна ситуација и со противничкиот тренер.

Во многу ситуации од натпреварот, Гвардиола се покажа во улога на собирач на топки и се обидуваше што побрзо да продолжат акциите на неговиот тим, по што во еден момент го удри Ники Хајен.

Шпанецот брзо увиде дека ја додаде топката на погрешно место, по што експресно му се извини на колегата и џентлменски го прегрна во жар на борбата.

Advertisement
Advertisement

Италија

Advertisement

Популарни