Пеп се јави од фудбалско предавање во Италија: Ако Лукаку постигнеше гол од два метри…..

Пеп Гвардиола ова утро го посетил Кунео и бил дел од фудбалското предавање во овој италијански град, каде на малите дечиња се обидел да им ја посочи еднкавата важност која ја имаат победата и поразот.

Шпанскиот стручњак е на италијанско тло неполн ден по непријатниот пораз кој го доживеа Манчестер Сити во дербито со Арсенал, но менаџерот на „граѓаните“ не крева паника и верува дека неговиоте фудбалери ќе извлечат поуки од овој неуспех.

– Луѓето велат дека од поразот се учи повеќе, но со победата се живее подобро. Најважно е да имате баланс. Мора да останете мрни и кога губите, да не паѓате во очај и да мислите дека сте катастрофални.

– Сега сите гледаат на Манчестер Сити како да сме феномени, но ако Лукаку дадеше гол од два метри во финалето, работите ќе беа поинакви…. Затоа велам дека мора да останете мирни и после пораз, мора да работите мирно и да се вратите на работа.

– Талентот во фудбалот се докажува такашто продолжуваш при секој пад и секоја грешка. Фудбалот се докажува и се учи на теренот, а не од дома и на социјалните мрежи, – порачал Гвардиола.