Пеп: Не се согласувам со изјавата на Халанд

Ерлинг Халанд го прекина молкот и првпат се огласи во јавнсота откако Манчестер Сити влезе во сериозен играчки пад, криза која трае веќе два месеци и која направи шампионот да има само една победа на последните 12 натпревари.

Последниот пораз од Астон Вила беше деветти во споменатиот период и тоа доволно говори во каква положба е тимот на Пеп Гвардиола, а додека шпанскиот стручњак ја бара вината кај себе, Халанд по натпреварот во Бирмингем тврдеше дека тимот страда поради фактот што тој не е на посакувано ниво.

Норвежанецот беше самокритичен и нагласи дека со својата форма не му помага на тимот, нешто што изнуди реакција и од Гвардиола во подоцнежното обраќање на прес-конференцијата.

– Не се согласувам со изјавата на Халанд. Без него ќе бевме уште полоши од ова. Сепак, мило ми е што играчите имаат свест и за самокритика, само така ќе станеме подобри.

– Постојат две опции: Да си судите на себеси, или да се обвинувате! Не се согласувам со изјавата на Халанд, бидејќи тој е играч кој треба да добие вистинска топка во најопасната зона од теренот. Се обидуваме да се поправиме и ќе продолжиме да работиме напорно за да бидеме подобри на следниот меч, – нагласи Гвардиола.