Пеп не е за „модерното време“, можеби и затоа е толку успешен (Видео)

Пеп Гвардиола направи интервју за „Скај Спортс“ во пресрет на новите предизвици кои следат во Премиер лигата и во Европа, но од разговорот со новинарката, посебно вирален стана делот во кој тој зборува за својата одбивност кон „модерното време“.

Шпанскиот стручњак откри дека не е приврзан кон ниту една социјална мрежа и дека го користи телефонот само за две функции, односно само за да се јави и да испрати порака.

Гвардиола открива дека не е дел од тимската Ватсап група на играчите на Манчестер Сити поради тоа што не ја користи оваа социјална мрежа, но посочи дека не користи ниту Твитер, Инстаграм и ТикТок.

Новинарката изненадена од неговиот одговор, самата заклучи дека можеби во тоа се крие тајната на неверојатната успешност на шпанскиот стручњак, кој за разлика од новата генерација фудбалери, не може да се замисли себеси како скрола на телефонот.

– Доколку некогаш добијам желба за такво нешто, без проблеми ги добивам телефоните од моите ќерки, – вели Гвардиола.

Pep Guardiola: "I don't like mails, I don't like WhatsApp… I have just one phone; no TikTok, no Twitter, no Instagram, nothing! Just my phone and message, that's all… When I want to [see social media], I got to my daughters…" [via @SkySportsPL]pic.twitter.com/xg6iTKS3v3

— City Xtra (@City_Xtra) September 12, 2024