Пеналите за „биковите“, Лајпциг дојде до првиот голем трофеј во Германија

Составот на РБ Лајпциг дојде до првиот голем трофеј во Германија и тоа во Купот каде вечерва на драматичен начин славеше над Фрајбург по изведување на удари од 11 метри.

„Биковите“ губеа по првиот дел за да во 57 минута задачата за нив стане уште потешка откако црвен картон заработи Халстенберг. Сепак фаворитот пронајде начин, покажа карактер и преку Нкунку во 76 минута дојде до 1-1, резултат кој се покажа како конечен по 90 минути игра.

Продолженијата не донесоа погодоци што значеше дека пеналите ќе го одлучат победникот во овогодинешното издание на ова натпреварување.

Момците на Тедеско беа пофокусирани, ги погодија сите четири удари од белата точка и со 4-2 дојдоа до титулата. Ова за Лајпциг беше третот Куп финале, првото го загубија од Баерн, лани беа поразени од Дортмунд, но годинава се покажа како добитка таа трета среќа.

DFB-POKAL WINNERS 🏆 pic.twitter.com/WDor8Rb531

— RB Leipzig English (@RBLeipzig_EN) May 21, 2022