Пелистер со нов 40+ натпревар до нова победа во Супер лигата

Ракометарите на Еурофарм Пелистер го оставија зад себе триумфот над Висла Плоцк во Лигата на шампионите и забележаа уште една победа во домашниот шампионат и тоа во пресметката со Бисинов.

Клубот од Битола триумфира со 45:31 со што само потврди дека е супер ефикасен во Суперлигата во последнот време затоа што 40+ погодоци реализираше и на претходните дуели со Струга, Тиквеш и Прилеп, а кога се во прашања натпреварите на домашен терен последен тим кој од салата „Боро Чурлевскии“ си заминал со помалку голови во мрежата е Охрид (25:22).

Што се однесува до вечерашниот меч Бисинов беше конкурентен во првиот дел во кој заостануваше само два гола (21-19), меѓутоа вторите 30 минути минаа во тотална доминација на „зелено-белите“.

Кузманоски со шест гола беше прв стрелец кај победникот, кај гостите листата ја предводеше Илиев со осум реализации.