Пелистер се коцкаше против Кожув, но оствари победа

Фаворитите во македонската кошарка не блескаа на денешните саботни натпревари во Првата лига, но после Работнички, победа вечерва оствари и Пелистер.

Битолскиот тим влезе како фаворит, но на крајот од натпреварот се коцкаше против гостите од Гевгелија, кои успеаја да се вратат од минус 13 и да режираа неизвесна завршница.

Пелистер диктираше три четвртини и педантно и трпеливо го зголемуваше водството, а откако истото достигна 13+, следеше голем пад во последните 10 минути.

Пелистер постигна само седум поени по осум минути игра во последниот период и Кожув дојде и до предност од 77:79, но кога дојде моментот на вистината, играчите во „зелено-бело“ повторно се разбудија.

На крајот, клучни беа двете тројки на Стојановски, па Пелистер на потежок начин стигна до победа од 92:87.

Брајан Антоан со 21 и Бобан Стајиќ со 17 поени беа лидери на победничкиот тим, додека најдобар играч на натпреварот беше Андреја Стевановиќ од поразениот тим со реализирани 30 поени