Пелистер се испоти, но дојде до целиот плен на пресметката во Кавадарци

Екипата на Еурофарм Пелистер успеа да дојде до посакуваниот триумф над Тиквеш (22-21) во последниот меч од 7. коло во плејофот во Суперлигата.

Гостите од Битола беа свесни за киксот кој вчера Вардар го направи против Алкалоид и затоа вечерва имаа една единствена цел, да дојдат до целиот плен во Кавадарци. Домаќините уште еднаш покажаа дека се супер незгоден противник кога играат пред своите поддржувачи, навивачката група „Лозари“ и максимално се бореа низ сите 60 минути, но тоа не се покажа како доволно за изненадување против фаворитот.

Првото полувреме се заврши со 11-10 за Пелистер, борба која продолжи и по паузата се до самата завршница во која битолчани дојдоа и до плус три по што стана јасно дека бодовите ќе завршат кај актуелниот македонски вицешампион.

Хененберг ја предводеше листата на стрелци во победничката екипа со 7 голови, Хосни постигна 4. Кај домашните, Симиќ постигна 8 голови и беше најпрецизен на теренот.

Во првиот меч Охрид го реши Бутел со 28-19.