Пелистер под водство на Бабиќ го одработи првиот тренинг

Македонскиот прволигаш, Еурофарм Пелистер денеска го одработи првиот тренинг за новата натпреварувачка кампања.

Тренерот Жељко Бабиќ ги построи неговите избраници на првиот тренинг на отворено пред утрешното заминување за Маврово каде ќе се одработат главните подготовки во наредните две недели. Клубот од Битола ќе има доволно време да се воигра, да ја темпира формата со оглед на тоа што веќе се закажани и настапи на турнири се со цел да се осварат високите цели за оваа сезона како на домашната така и на меѓународната сцена.