Пелистер лесно се справи со Вардар, Кожув подобар од Шкупи

Екипите на Пелистер и Кожув остварија победи на првите два натпревари од денешната програма во Првата кошаркарска лига.

Пелистер на гостувањето во Скопје го доби Вардар со 90:59. Фаворитот рутински се справи со „црвено-црните“, предноста ја градеше од четвртина во четвртина за конечни на крајот плус 31.

Ташовски и Бојиќ беа во прв план со дабл-дабл учиноци, Виктор имаше 19 поени и 10 асистенции, Андрија пак 16 кошеви и 11 скокови. Бајрам за вардарци реализираше 17 поени.

Кожув пак исто како гостин триумфираше во главниот град и тоа против Шкупи со резултат 81:68. Ова за составот од Гевгелија беш шесто сезонско славје, а до истото ги предводеше Пилепиќ со 26 поени.

Кај поразените Златевски беше автор на 14 кошеви.