Пелистер ја шокираше Шкендија во Тетово, Работнички ја спаси честа на домашните екипи

Фудбалерите на Пелистер го шокираа лидерот Шкендија во последното 18. коло за оваа календарска година во Првата македонска лига.

Клубот од Битола успеаа да им оддолее на „црвено-црните“, да ја сочува својата мрежа, но во финишот и да го матира Захов за три големи бода во Тетово. Голот вреден три бода за Пелистер беше дело на ветеранот Маневски од пенал.

Покрај Шкендија од екипите кои се при самиот врв загубија Шкупи и Македонија Ѓорче Петров. Првите беа совладани од Струга ТЉ со 2-1, додека „лавовите“ во еден возбудлив меч загубија од Ренова со 2-1.

Честа на домаќините ја спаси Работнички со триумфот над Борец од 2-1. Прелчец погоди за водство на гостите од Велес, но талентираниот Лука Станковски во продолжението даде два гола и го сврте резултатот за три бода на „романтичарите“.

На другите дуели Вардар како гостин ја реши Беласија со 3-0, додека „пандевци“ победнички го завршија гостувањето кај Силекс во Кратово (2-1).