Пелистер ја прекина победничката серија на Чаир

Кошаркарите на Пелистер изввојуваа победа над Чаир 2030 (77:73) во последниот натпревар од 9. коло во Првата лига.

Средбата во салата „Боро Чурлевски“ беше неизвесна до самиот крај, а битолчани беа тие кои го имаа последниот збор. Во последните 60 секунди се влезе со нерешен резултат 70:70 по што следуваше серија на домаќините од 7-0 со што стана јасно дека Пелистер ќе ја добие оваа битка.

Четворица играчи од стартната петорка на „зелено-белите“ беа двоцифрени, најефикасен беше Бојиќ со 18. На спротивната страна Ролинс беше автор на 18 кошеви. Сега Пелистер има учинок 6-3, а Чаир со 7-2 е на второто место на табелата зад лидерот ТФТ.

На вториот денешен натпревар Тиквеш со пресврт во вторите 20 минути го доби Вардар со 78:72.