Пелистер и Гостивар го потврдија статусот на фаворити, Еуро Никел со голем пресврт до славје во Куманово

Екипата на Еуро Никел славеше над Куманово со 79-78 и ја спаси честа на гостите во денешните мечеви од првата македонска кошаркарска лигата.

Гостите од Кавадарци губеа со 10 разлика (71-61) на 8 минути до крајот, меѓутоа избраниците на Самарџиев покажаа карактер, борбеност, одиграа фантастично на двете страни на теренот и се изборија за пресврт и осмо сезонско славје.

Рикиќ со 25 поени беше прв стрелец, Соколов додаде 16, а Мијатовиќ 13 кошеви. Кај кумановци Ливингстон реализираше дабл-дабл учинок од 18 кошеви и 10 асистенции.

Пелистер и Гостивар ја оправдаа улогата на фаворити, првите славеа во својот дом над ФМП Академија со 100-72, втортите во Струга го добија Црн Дрим со 83-72.