Пелистер ги распродаде сите билети за пресметката со ПСЖ

Еурофарм Пелистер ги загуби сите шанси за пласман во нокаут фазата во Лигата на шампионите и мечот со Пари Сен Жермен за нив ќе биде чиста формалност, но секој меч од натпреварувачки карактер носи убавина и тоа најдобро го знаат навивачите во Битола.

Имено битолчани уште еднаш потврдија колку им значи клубот, колку го сакаат ракометатот, па ги „разграбаа“ сите билети за битката со „светците“ закажана за в четврток од 20:45 часот.

Имено салата „Боро Чурлевски“ е распродадена, ќе биде исполнета до последно место, па и избраниците на Алонсо ќе имаат мотив плус да им се оддолжат на навивачите за нивната љубов, посветеност на овој завршен меч во елитното друштво во натпреварувачката 2024/2025.