Пеко ита кон нова титула: Бањаја го преболи Силверстоун со доминација во Австрија

Пеко Бањаја го заборави скромниот викенд на Силверстоун каде освои вкупно 20 бодови, такашто освои максимални 37 во Австрија каде вчера славеше во спринтот, а денеска и на трката.

АКтуелниот светски шампион влезе во препознатлив ритам и почна да прави големо разлика во генералниот пласман, што прави да биде апсолутен фаворит за освојување на нова титула.

Италијанецот лесно го одбрани првото место денеска на Шпилберг и сега има 251 бод во генералниот поредок, што е за 62 повеќе од Хорхе Мартин кој е на втората позиција.

Кога е во прашање денешната трка, Бањаја лесно му се одлепи на Бред Биндер и двајцата имаа лесна и мирна трка, а најголемите возбудувања беа оние за третата позиција.

Алекс Маркез долго беше со место на пиедесталот, но на крајот заврши петти откако беше престигнат од Бецеки и Марини, што секако донесе и голема радост за Валентино Роси поради тоа што и двајцата возат за неговиот тим.