Педро: Ѝ благодарам на Рома што ме продаде во најдобриот клуб во Рим, ако ја освоиме Лига Европа…

Педро Родригез Ледесма веќе ја гази 38. година од својот живот, но искусниот Шпанец доживува втора младост во актуелнава сезона каде игра на навистина високо ниво во дресот на Лацио.

На 12 натпревари или за точно 597 минути има постигнато шест погодоци и забележано два асистенции, поточно има важна улога во добрите резултати на лацијалите.

Интересно за Педро е што постоеше дилема дали воопшто ќе остане во Рим во текот на летото, меѓутоа не само што остана туки и блесна, па ја искористи оваа ситуација да испрати мала провокација до градскиот ривал Рома кој се откажа од него во 2021 година.

-Рома е минато, всушност и благодарам на Рома што се откажа од мене и ме продаде во најдобриот клуб од главниот град кој се вика Лацио, -рече офанзиевцот и посочи што ќе направи ако ја освојат Лига Европа.

-Ако ја освоиме титулата, ќе се фрлам во Фонтана ди Треви. Само ако ми дадат дозвола, инаки ќе му уапсат,  -порачал Шпанецот.