Павар се премислил, наскоро ќе потпише нов договор со Баерн

Францускиот репрезентативец Бенжаман Павар најверојатно ќе остане во Баерн Минхен и по крајот на оваа сезона.

Десниот бек со своите настапи и однесување надвор од теренот ја вратил довербата кај стручниот штаб и раководството на германскиот клуб и сега се очекува почеток на преговорите за продолжување на соработката.

Се очекува Павар да добие и повисока плата, што беше еден од елементите поради кои и фудбалерот размислуваше за понудата од Барселона, но се чини дека шансите за таков расплет се минимални.

Договорот на Французинот истекува во 2024 година, па затоа и наредните месеци се сметаат за круцијални во однос на потврдувањето на неговото останување на подолг рок во Минхен.

Павар дојде во Баерн во 2019 година од редовите на Штутгарт.