Партизан загуби од Гент и летово доживеа елиминација во три европски купови (Видео)

Фудбалерите на Партизан денеска загубија со минимални 1:0 во квалификациите за Конференциската лига и со два идентични порази доживеаја елиминација во двомечот со Гент.

Белгијците реализираа во самиот финиш за да потврдат уште една елиминација летово на српскиот претставник, кој постави сопствен, па и српски анти-рекорд во европските купови.

Партизан стана првата екипа која во актуелната европска сезона е елиминирана во квалификациите на три различни натпреварувања, започнувајќи од Лигата на шампионите.

Во квалификациите за најелитното натпреварување, Партизан беше елиминиран од Динамо Киев, потоа продолжи во квалификациите за Лига Европа каде доживеа неуспех во двомечот со Лугано, за сега да доживее иста судбина и во Конференциската лига.