Партизан со моќно второ полувреме го освои Милано

Партизан ја забележа втората победа на гостински терен во период од три дена, но за да биде уште поимпресивно, тимот на Жељко Обрадовиќ одново беше фуриозен и клинички прецизен во најважниот дел од натпреварот.

Откако му се реваншираше со камата на Асвел, српскиот великан вечерва го надигра и тимот на нашиот Ненад Димитријевиќ, но македонскиот репрезентативец не беше дел од протоколот поради повреда, што значително ја скрати ротацијата на Месија.

Олимпија Милано одговори на темпото на Партизан и по 20 минути игра замина на полувреме со предност од 40:37, меѓута од стартот на вториот дел доминираше само еден тим на теренот, а тоа беа „црно-белите“.

Партизан беше воден од разиграното трио Браун-Тајрик-Карлик, играчи кои уфрлија неверојатни 72 поени од вкупно 90 кои ги постигнаа гостите на овој натпревар.

Српскиот великан одговори на скромното прво полувреме со демонстрација на моќ во второто, па на крајот славеше и лесно со 70:90 на тешкото гостување во Милано.