Партизан реди победи во Белград, Барселона продолжи да игра во стилот „топло-ладно“ (ВИДЕО)

Составот на Партизан продолжи со одличните партии на домашен терен во Евролигата, па така оваа вечер го реши шпанскиот прволигаш Басконија со 83-65.

Гостите не можеа да сметаат на услугите на најдобриот игра Хауард како и на Хенри, па „црно-белите“ тоа максимално го искористија за сигурен триумф по кој се блиску до половичен учинок во најдоброто европско друштво (9/10).

Трифуновиќ со 15 и Папапетру со 13 беа најефикасни играчи, кај гостите некогашниот играч на Партизан Маринковиќ уфрли 16 кошеви.

Барселона пак продолжи со стилот „топло-ладно“ (победа/пораз) и оваа вечер загуби од Анадолу Ефес со 80-75. Каталонците имаа многу лоша прва четвртина во која му дозволија на ривалот да се стекне со двоцифрена предност (9-21) по што постојано мораа да го бркаат водството на актуелниот шампион.

Ларкин и Мициќ уфрлија по 17 кошеви, исто толку за домаќините даде Хигинс.

Останати резултати: Асвел-Валенсија 79-83, Панатинаикос-Макаби 88-86, Милано-Жалгирис 61-66.